呀楊又大一年啦.....琴日我同呀文夜晚去左廟街慶祝呀楊生日(但呀楊響2月5日生日)，但佢正日果日我要返工，去左間叫興記的大排檔食野，我地三個一人叫左一個煲仔飯，再叫左三個小菜食，都係比左$210，但我地覺得唔多低，佢果日d份量少，我地三個雖然一人食左個煲仔飯但都唔多飽....下次會再去果間野食過，因為都算平......^^

尼個星期日日都話去游水，但朝朝都落雨，落雨都冇所謂，都可以游！但最衰有雷暴警告，水都唔比落！幾時先唔落雨架大佬..........

琴晚同高佬、牛屎、顏料出左去深水埗Red Bar睇波......場波中場休息果陣，有兩台人發酒瘋打架，又爆樽，又飛台，D人爆晒江！個場d人又唔理佢地比佢地打爛晒d野，場波下半開左冇耐，其中一台有條友發酒瘋過黎趕晒Bar入面d人走！又過黎吊我地，問我地睇完波未，走未！好明顯就未啦！場波打到一半又比人趕走，我地叫果D酒都未飲晒呀！最慘就係比間bar的客人趕走先慘！我想知道間吧D人又比佢趕客走？點解間吧冇睇場，由得佢地打架都唔理，比其他吧晨早踢左佢地出去啦！我地之後走左去黃金網吧睇波，睇住西班牙贏12碼.......睇完先去M記食早餐，跟住返屋企訓教！以後唔去果間垃圾吧玩........大家認住呢間吧個名！【RED BAR】行過都唔好入去！